農舍 (Closed)

餐廳係素食，不過選擇都好多。有漢堡、有飯、有麵等，仲有好多特色健康飲品。炒麵有菇有菜有番茄，雖然無肉，但係都好惹味。不過份量略少，唔係非常夠飽。蘑菇漢堡配薯條蘑菇好大個，整得好香，惹味。包稍微過硬，不能好似平時d漢堡包成個咬下去，要先切好再慢慢食。如果包皮鬆軟d會容易入口！有沙律菜伴碟，清新。薯條，非常粗切，唔係用炸，應該係用焗，無左平時薯條脆脆既口感，但感覺無咁油膩。餐廳撒了黑椒在薯條上，可以再加茄汁，味道不錯。藍莓芝士蛋糕軟身，好味，不會過甜，食完一頓晚飯黎一件蛋糕，感覺圓滿！餐廳老闆定唔知係員工，非常友善，聽著音樂食著健康又好味既食物，令我對南Y島之旅留下良好印象。