Video
Read full review
2011-11-30
15 views
公司附近(奧運站), 最近開左間好光鮮既果汁店, 同事們每日經過匯豐中心條長電梯都嚷著要去買野飲,我自己留係呢附近既時間唔太多, 一直都未有機會去試,今日我地 team 完成左一個 project, 終於有機會俾老闆"萬歲"於是秘書就好積極去幫大家訂下午茶, 而我亦有機會試試到底係咩咁吸引女同事們我同兩個大隻男同事一齊去拎去外賣(其實邊使咁多人, 佢地乘機落樓下吸煙)我地三個現場另外買左三杯野飲, 都係老闆既推介因為原來佢地唔止係果汁店, 仲有好多唔同種類既飲品, 有選擇困難既我, 自然信老闆既介紹啦 1) 蕃茄鳳梨汁老闆話, 呢個係呢間店既其中一個招牌菜, 每日都賣得非常好好多果汁店都唔完全掌握到呢個既配搭, 一般果汁店, 為左慳成本, 會用次一級既鳳梨(菠蘿), 用次一級既蕃茄, 出來既效果, 都可以非常不同, 此之謂 : "差之毫釐 謬以千里"講真, 我本身有些少抗拒"蕃茄", 不過既然問左老闆推介, 頂硬上啦不過, 當我飲第一啖既時候, 我對"蕃茄"既抗拒, 完全無晒乜原來咁樣既配搭, 可以有咁清新既口味, 口入面既有"蕃茄"既口感,又有菠蘿既鮮香味, 嘩真係與別不同, 果然
公司附近(奧運站), 最近開左間好光鮮既果汁店,
同事們每日經過匯豐中心條長電梯都嚷著要去買野飲,
我自己留係呢附近既時間唔太多, 一直都未有機會去試,
今日我地 team 完成左一個 project, 終於有機會俾老闆"萬歲"
於是秘書就好積極去幫大家訂下午茶, 而我亦有機會試試到底係咩咁吸引女同事們
我同兩個大隻男同事一齊去拎去外賣(其實邊使咁多人, 佢地乘機落樓下吸煙)
我地三個現場另外買左三杯野飲, 都係老闆既推介
因為原來佢地唔止係果汁店, 仲有好多唔同種類既飲品,
有選擇困難既我, 自然信老闆既介紹啦
1) 蕃茄鳳梨汁老闆話, 呢個係呢間店既其中一個招牌菜, 每日都賣得非常好
好多果汁店都唔完全掌握到呢個既配搭,
一般果汁店, 為左慳成本, 會用次一級既鳳梨(菠蘿), 用次一級既蕃茄,
出來既效果, 都可以非常不同, 此之謂 : "差之毫釐 謬以千里"
講真, 我本身有些少抗拒"蕃茄", 不過既然問左老闆推介, 頂硬上啦
不過, 當我飲第一啖既時候, 我對"蕃茄"既抗拒, 完全無晒
乜原來咁樣既配搭, 可以有咁清新既口味, 口入面既有"蕃茄"既口感,
又有菠蘿既鮮香味, 嘩真係與別不同, 果然無介紹錯
2) 另一 A 同事飲左 - 濃醇朱古力 + 布丁 (仲有另一款叫 : 朱古力奶茶)
原來呢間店, 唔止有鮮果汁賣, 仲有好多不同既飲料, 隻隻都想試, 一時間好難試晒
據 A 同事 口述 : 朱古力味非常濃, 而布丁亦好香好滑,
仲好飲過早兩日老闆係 Godiva 買既朱古力冰
3) B 同事飲左 - 提子牛奶
去台灣, 木瓜牛奶大家飲得多, 原來有隻咁既飲品
老闆話呢隻係鮮奶系列入面最好賣既第二飲品,
OL 至愛, 提子係含高抗氧化物, 難怪
店員做既時候, 係完成既時候, 所有提子類既野, 都會細心幫你過濾左 D 提子皮, 等你飲得舒服 D
如果你想保留提子皮, 就要預早同店員講, B 同事就係無為意
不過及後聽佢講, 濾左 D 提子皮, 個效果都唔錯, 因為配牛奶, 仲好滑
以下呢 D 係其他同事既外賣 Order (原來仲有三文治賣)
其他同事既推介:排毒五青汁 / 香蕉芭樂鳳梨汁 / 奇異果蘋果汁 / 抹茶紅豆奶茶 / 鮮橙汁
芒果多多(益力多) / 凍焦糖咖啡 / (熱)桂圓紅棗茶 / (熱)薑母茶 / (熱)布丁奶茶
忽然驚覺, 原來佢地已經試左一半以上既產品
難怪咁快佢地就已經試左咁多口味
Post
