牛霸小麵店 (Closed)

成日出入灣仔都唔知道，原來集成中心隔離個籃球場後面，有間咁靚嘅台式餐廳。佈置清新，牆壁有綠色嘅植物牆，天花有好多別緻嘅飾物，像走進了大自然的花園。餐廳嘅價錢亦好大眾化，而且不設加一，下次在附近肚餓，又多一個新選擇。今日選咗台灣腸乾拌麵，麵嘅份量好多，入面有三條台灣腸，烤得香脆惹味，仲有好多香蔥，香口美味。另外仲叫咗一啲小食，與囡囡分享，有小朋友最愛嘅香脆番薯，秘製茄子，滷蛋，飲品加十蚊就有珍珠奶茶 了。最後來個芋泥芋圓冰，非常大碗，囡囡好鍾意食 ，食到飽飽，捧住個肚返屋企。