break (Closed)

去開牛頭角見完客，又趕住返屋企收貨，於是响附近買外賣食。响開飯搵到呢間Break，買左2個餐加小食，好精緻嘅包裝而食物顏色亦好吸引未食已經心情大好。七彩繽紛嘅沙律又靚又健康，大蝦爽脆鮮美，南瓜香甜又飽肚，牛油果醬軟滑細膩，配埋柚子醋好開胃。螺絲粉熱辣辣令煙三文魚變得半熟，口感幾特別，配清香惹味嘅紫蘇香草醬好夾。仲有紅卜卜三文魚籽，同埋好脆嘅青豆，口感非常豐富。甘栗紫薯餅好好味蕃薯控必食櫻花蝦餅外層沾上脆米，口感又脆又彈，又有蝦嘅鮮味，好滿足蘋果沙律爽脆開胃。牛角包都係跟餐嘅，內裡鬆軟外表微脆。小甜品外表沾滿芝麻，裡面係軟糯嘅團子，唔錯。見味噌湯漂浮幾隻櫻花蝦，下面有昆布豆腐好足料，味道鮮美順喉，好飲。整體食物美味健康，下次可以再來。