威尼斯之櫻 (Closed)

說真的，這間小店一直都不被我留意，總覺得它太低調，令人提不起意欲去光顧。這天經過看見都幾多人係入面，於是就決心試一試。店員是清一色女員工，連廚房的廚師也是喔，感覺變得輕起來，員工也是笑笑口的。午餐的選擇都幾多，而且有輕食之選，啱曬食得不多的人。價錢中價，不收加一。我選了蕃茄濃湯套餐，配螺絲粉和意式雞翼(3隻)。份量是適合食得不多的人，湯底我覺得似羅宋湯，很濃，配上螺絲粉剛好，但就無咩蕃茄味。奶油豬烘得頗香脆，聞到陣陣牛油香。意式雞翼即是炸雞翼，香口但普通而已。另1個是焗咖哩牛肉芝士意粉。有薯角同3色椒做配料，芝士同咖哩味都不突出，意粉有咬口，時間控制上不錯，是填飽肚子的基本之選。周邊的客人有些是常客，會和員工打招呼。有時味道太好的店會引來大堆人士而令到服務和水準大降，不如當個中庸小店，默默努力，反而可以持久地經營下去。