小苗子 (Closed)

之前試過幾次想訂位黎試，可惜滿座了，訂唔到位今日终於試到啦！先說說環境，雖然入口不起眼，但一踏入門口，已有新派素食的感覺。店舖雖小，但環境清新，感覺舒適，乾淨企理。今日中午時份，客人需多，但大家都好斯文，絕無爭先擁後，爭食的感覺。讚！最欣賞店內有一片透明玻璃窗，可睇到廚師即埸準備食物，證明真材實料，保証新鮮。講到食物，選擇一定冇連鎖素食餐廳般多選擇，但貴精不貴多，感覺到佢哋用心做菜，重質不重量。其實選擇也少，今日有南瓜炒飯，千層闊條麵，咖哩雜菜，三文鱼意粉，焗薯蓉，炒雜菜，黑松露炒雜菇，鱼香茄子。仲有好滋潤淮山雪耳高山筍湯。仲有麻醬豆腐，冷麵，同多款冷盤，沙津也有多款選擇。今日仲有有機櫻桃汁飲必食推介: 黑松露薄餅，紫薯球，涼伴高山筍，黑松露炒雜菇總结，以$88蚊 (午餐價錢$98，減$1O優惠卷)價錢，没有加一服務费，食到新鲜美味食材，很滿足的一餐。後記，食飽後拎埋張單去隔離Ulala Popup store買健康食材仲可減$5添。原來之前係小苗子店內飲嘅有機樱桃汁成百蚊支，我飲左幾杯即時覺得呢餐好抵食