茶狼 (Closed)

因為就快新年，就同朋友去咗銅鑼灣血拼，買下野，辦年貨！第一站就諗住去誠品，睇下有冇啲靚靚文具，用泥裝飾office！但仲未上到去，就已經比希慎一樓個pop up store 吸引咗，係一個期間限定，以狼做主題既野飲鋪。但由於人真係太多，搞到我都唔想去排埋一份，所以諗住睇下行完街，少啲人先再去試！行咗個幾兩個鐘，人龍果然真係少咗好多，就即刻去排隊！店面主分咗兩邊，落單同拎貨區。而我今次就叫咗杯水果四季春，入面都有唔少種類既水果，西瓜、蘋果、青檸、士多啤梨等等，四季春飲落都幾清香。店員仲好有禮貌咁提我可以拎枝長叉番啲水果食，好貼心！