清玉 (啟田商場) (Closed)

冬天想飲熱野，見到清玉季節限定嘅洛神花茶（$26）就點左嚟飲，一時衝動點左無糖，結果都幾酸，而且非常熱，收銀嘅姨姨都特別提醒我要小心，而我唔信邪，差少少就滾親。大家要飲嘅話至少揀微糖或者半糖，怕熱就過一陣先飲，不過咁熱就適合係冬天用嚟暖下隻手。另外朋友嘅兩杯分別係輕盈檸檬（$20）同茉香珍珠奶綠（$21）。輕盈檸檬就係唔可以去冰嘅，一定要叫凍飲，酸酸甜甜，清新開胃，但唔算太適合係冬天飲。而茉香珍珠奶綠一向都好飲，茶味香濃得嚟又有清香嘅茉莉味。