Te Quick Pasta & Herb Tea (Closed)

星期一通常都比較難搵人食晏，尤其年尾d 人趕住清假就更少人返工，好彩今日都有位好心同事陪我食，於是黎試下依家上樓餐廳。儘管佢地位置貼近自動行人電梯，但門口其實都幾蝦人搵。餐廳既裝修簡潔，服務型式係先係門口落單付款，跟住搵位等人拎野食黎就得，所以都幾方便。意粉方面真係有驚喜，麵質口感好好，軟硬度適中而且彈牙，醬汁既調味亦非常美味，無論係同事叫左香蒜蜆肉定還是我點左香草松子都色香味俱全。食物之外加十蚊有野飲，環顧四周唔知點解全場都差唔多係清一色叫凍檸茶，到底係羊群心理定係佢地既奶茶咖啡唔得就真係有待求證。