素味牽 (Closed)

深水埗有不少素食餐廳，這一間算是平民而且裝修企理，開咗唔算好耐，有時下晝唔想食肉， 都會嚟呢度食。佢午餐餐牌類似兩送飯形式，可以自行揀兩樣，又可以夾錢再嗌多一款或者加菜，可揀的款式亦算合理，有七至八個。不過如果晏去的話，有些款式可能會賣晒。今日食咗蕃茄炒蛋同芋頭麵筋，兩樣都好食蕃茄炒蛋唔似一般出邊嗰啲多汁，感覺好住家菜，冇味精，感覺健康同清新， 但芋頭可以再諗啲就更好。 除餐附送飲品，可以揀羅漢果茶或者豆漿。價錢合理，素食人士或想食清淡d既可以一試。