Video
Read full review
2021-03-20
63 views
同朋友慶祝生日睇星期六來到呢間位於佐敦嘅文清小店地理位置都唔易搵㗎，喺地鐵站都要行10分鐘左右先到一間小店有個特別之處就係點餐同用餐係分開兩個鋪位用餐嘅地方就係全自助，食完有首尾自己執返啲垃圾🥰-餐牌方面，無論嘢食定嘢飲都幾多選擇好多人以為食齋淨係有菜食喺呢度食過之後完全推翻我嘅諗法呢度有既肉類都係仿製肉類，即係素食就算係咖啡，都只會用植物奶同埋燕麥奶🥰每個餐都有得俾你揀食墨西哥卷或者bagel-我就叫咗個和風吞拿魚牛油果bagel講真食嘅時候有啲後悔叫bagel🥲🥲🥲就好似食漢堡包咁，啲料好容易跌晒出嚟同埋本身bagel就係比較硬，唔係咁容易咬開不過啲料係正嘅首先佢嘅紫菜同埋醬汁就好和風，食落去好Fresh不過食包來講覺得佢啲菜有啲多，雖然啲菜好新鮮，完全食唔出沙律菜嗰種苦味但係好容易食到周圍都係牛油果比例都比較少而佢個素吞拿魚食落去都係好新鮮既感覺，雖然食落去唔覺得似吞拿魚😅-至於朋友就叫咗個all day breakfast 呢個令我覺得好有驚喜首先佢嘅薯蓉焗菇都幾好食，熱辣辣食落大大啖菇，亦有好香嘅牛油味佢嘅沙律菜，包括蘿蔔絲、生菜、羽衣甘藍都好新鮮，食落去口感都係十分爽亦有柑
地理位置都唔易搵㗎，喺地鐵站都要行10分鐘左右先到
一間小店有個特別之處就係點餐同用餐係分開兩個鋪位
用餐嘅地方就係全自助，食完有首尾自己執返啲垃圾🥰
-
餐牌方面，無論嘢食定嘢飲都幾多選擇
好多人以為食齋淨係有菜食
喺呢度食過之後完全推翻我嘅諗法
呢度有既肉類都係仿製肉類，即係素食
就算係咖啡，都只會用植物奶同埋燕麥奶🥰
每個餐都有得俾你揀食墨西哥卷或者bagel
-
牛油果吞拿魚bagel
7 views
0 likes
0 comments
All day breakfast
2 views
0 likes
0 comments
我就叫咗個和風吞拿魚牛油果bagel
講真食嘅時候有啲後悔叫bagel🥲🥲🥲
就好似食漢堡包咁，啲料好容易跌晒出嚟
同埋本身bagel就係比較硬，唔係咁容易咬開
不過啲料係正嘅
首先佢嘅紫菜同埋醬汁就好和風，食落去好Fresh
不過食包來講覺得佢啲菜有啲多，雖然啲菜好新鮮，完全食唔出沙律菜嗰種苦味
但係好容易食到周圍都係
牛油果比例都比較少
而佢個素吞拿魚食落去都係好新鮮既感覺，雖然食落去唔覺得似吞拿魚😅
-
至於朋友就叫咗個all day breakfast
呢個令我覺得好有驚喜
首先佢嘅薯蓉焗菇都幾好食，熱辣辣食落大大啖菇，亦有好香嘅牛油味
佢嘅沙律菜，包括蘿蔔絲、生菜、羽衣甘藍都好新鮮，食落去口感都係十分爽
亦有柑同埋香蕉，食落去好清新同清甜
朋友見到個包隔離有一pat唔知乜嘢醬
應該就係set入面嘅薯仔沙律，但係佢唔係薯仔嗰種一粒粒，而係好似沙律醬咁嘅口感
切開個包搽啲醬上去都真係幾好食，少少辣辣地好惹味！
至於個竹炭bagel，就冇乜特別，食咗少少竹炭味但係都係偏硬
最驚喜嘅就係個素豬柳，真係好！好！食！
佢本身咬落去嘅口感已經好似平時食嘅肉豬柳，個味更加係比豬柳更好食，然後調味唔會太鹹，但又保持到豬柳嘅口感
下次黎會再食下佢嘅豬柳🤤
-
一般同朋友傾吓計好快就會拎到你想食嘅餐
環境方面都幾chill，不過張枱有少少細，擺完兩個人食嘅餐就冇位擺其他嘢
裝飾都幾文清嘅，有好多乾花掛喺牆上
不妨嚟試吓🥰🥰
Post
