Video
Read full review
2017-12-23
915 views
近排多了應酬食多了，收到線人資料這裡吃得健康，今晚就一於上去食餐素食，線人已經幫我訂位，而選擇亦只有晚市套餐選擇，唔需要想吃而煩惱唔會出現，9樣東西加埋個茶都係劃一價錢$250，價錢可能會覺得比較貴，但要留意這裡不是齋鋪，而是用新鮮嘅superfood 為主再配上蔬菜生果即時烹製！先上個小吃，放了三種口味嘅食物，分別有桂花密車厘茄，冬陰公伴秋葵，焗讓燕麥鮮冬菇，三種口味各有特色，個人較喜歡清新嘅去皮車厘茄加上桂花密嘅組合，酸甜混合，加上入口個種豐富肉汁感好正！而冬陰公配秋葵亦好特別，粘粘地嘅秋葵上帶點冬陰公嘅辣，唔錯！絕對係廚師用心嘅配搭，最後個焗讓燕麥鮮冬菇，就夠晒口感，入口似食緊肉嘅感覺，當然一切都係由廚師手勢將燕麥做成啦，而且個鮮冬菇好香及好煙韌彈牙！跟住上姖松茸豆乳燉蛋，松茸混在蛋中，入口時感受到好香豆乳嘅味道，而燉蛋重軟滑，一入口就好好滑入去喉嚨內！之後就係日式和風亞麻籽沙律，香脆紫菜絲在沙律上，加埋個日式麻醬入口清新，個人覺得個醬汁不似街外咁多油，咁就食得健康！餐湯係花椰菜甘筍湯，好香嘅甘筍味之餘，湯中見到好多切碎了嘅花椰菜，為了保持蔬菜嘅鮮味，蔬菜入口時嘅軟熟度剛剛好！呢
先上個小吃，放了三種口味嘅食物，分別有桂花密車厘茄，冬陰公伴秋葵，焗讓燕麥鮮冬菇，三種口味各有特色，個人較喜歡清新嘅去皮車厘茄加上桂花密嘅組合，酸甜混合，加上入口個種豐富肉汁感好正！而冬陰公配秋葵亦好特別，粘粘地嘅秋葵上帶點冬陰公嘅辣，唔錯！絕對係廚師用心嘅配搭，最後個焗讓燕麥鮮冬菇，就夠晒口感，入口似食緊肉嘅感覺，當然一切都係由廚師手勢將燕麥做成啦，而且個鮮冬菇好香及好煙韌彈牙！
跟住上姖松茸豆乳燉蛋，松茸混在蛋中，入口時感受到好香豆乳嘅味道，而燉蛋重軟滑，一入口就好好滑入去喉嚨內！
之後就係日式和風亞麻籽沙律，香脆紫菜絲在沙律上，加埋個日式麻醬入口清新，個人覺得個醬汁不似街外咁多油，咁就食得健康！
餐湯係花椰菜甘筍湯，好香嘅甘筍味之餘，湯中見到好多切碎了嘅花椰菜，為了保持蔬菜嘅鮮味，蔬菜入口時嘅軟熟度剛剛好！
呢個就係必吃推介嘅黑松露芝士炸薯球，炸得好香外脆內軟流心，咬開會見到薄薄嘅一層香脆外皮，裡面就係軟熟嫩滑嘅薯茸包住了好香嘅松露同埋容化了嘅芝士，入口真係要小心熱！但味道真係好正！
食完就係今晚嘅主菜韓式泡菜青瓜千層麵，平時食開中間夾住就係肉醬，而今次比較特別係泡菜同青瓜，入口時有泡菜嘅味道加埋青瓜爽口感覺，配搭得宜，就算吃素亦可以跟上韓方嘅口味！
吃完就上甜品，伯爵茶朱古力奶凍，上面鋪滿了朱古力粉，而下面個奶凍入口時就感覺得好香嘅伯爵茶味加埋甜度適中嘅朱古力味，真係一個完整嘅晚餐！
最後餐茶係玫瑰花紅棗茶，用滾水浸泡後，紅棗味同玫瑰花香就容化在茶中，入口芳香！
呢到每道菜都係一個接一個上，為了有最好嘅味道，見差不多先準備下一道菜，所以要等一下，個人覺得超級值得！養生之道亦可以在這裡欣賞一下！放下工作，在這裡慢慢欣賞美食，真係人生樂事！另外午餐亦好健康，下次就來吃午餐，清清個肥膩入食習慣先！
Post
