La Famille (Closed)

其實一直想食呢間主打海綿蛋糕既小店好耐，但因為店舖唔大位置唔多既關係成日miss左。粉綠色既店舖入面有幾款海綿蛋糕，其中柚子同開心果味最出名，我就揀左秋天限定既和栗同甜薯蛋糕。 蛋糕體充滿細密既氣泡，未食都知好鬆軟。質地輕盈 好似食緊棉花糖咁會化開。栗子同甜薯本來味道偏淡 ，但蛋糕帶淡淡既香味都幾討好。蛋糕入面帶住粒粒既栗子同番薯，軟身唔會太硬身。配上面頭打得細滑輕滑既忌廉，同埋清新既無花果藍莓。呢個下午茶一啲都唔heavy呢。除左有cream既蛋糕，店內仲有一塊塊無忌廉既海綿蛋糕可以外帶添。