Read full review
2022-07-19
983 views
上一次食 Poke bowl 已經係一、兩年前,當時係喺中環一邊OT一邊食。上星期收工之後同朋友黎到上環,呢到有好多不同類型既餐廳,多數都係西餐廳同埋酒吧。我地都想食啲健康啲既西式料理,於是就去左呢間出名食poke bowl 既餐廳~餐廳以藍色為主調,用左一條鯨魚做logo🐳,睇黎係以海洋為主題。餐廳門外擺放左幾個不同嘅餐牌,展示左各款不同嘅signature bowls,每一個bowl 都有其特色,例如proteinbowl係專為健身人士而設💪🏼。入到餐廳就見到一張長長既高枱同埋幾張二至四人枱,仲有一個好大既酒櫃🍷🍾另外,前台有一部巨大既啤酒機🍺,好有格調。喺我地點餐同埋進食期間,都不斷見到好多黎買外賣既食客 🥗🍣🍔🥡餐牌精美簡潔,囊括左多款美食~ 有招牌poke bowl、意粉、burger 同埋小食等等,每一道菜都好吸引。而飲品方面,佢地提供汽水同酒類飲品等🍸日式柚子牛油果刺身沙律 $98我地首先點左一道Signature bowl,再喺四款食材當中挑選一款做bowl 底。由於本身想試既稻庭冷烏冬已經售罄,而壽司飯同長通粉又太heavy,所以最後我揀左沙律菜🥗呢款poke bow
上星期收工之後同朋友黎到上環,呢到有好多不同類型既餐廳,多數都係西餐廳同埋酒吧。我地都想食啲健康啲既西式料理,於是就去左呢間出名食poke bowl 既餐廳~
餐廳以藍色為主調,用左一條鯨魚做logo🐳,睇黎係以海洋為主題。
餐廳門外擺放左幾個不同嘅餐牌,展示左各款不同嘅signature bowls,每一個bowl 都有其特色,例如proteinbowl係專為健身人士而設💪🏼。
入到餐廳就見到一張長長既高枱同埋幾張二至四人枱,仲有一個好大既酒櫃🍷🍾另外,前台有一部巨大既啤酒機🍺,好有格調。
喺我地點餐同埋進食期間,都不斷見到好多黎買外賣既食客 🥗🍣🍔🥡
餐牌精美簡潔,囊括左多款美食~ 有招牌poke bowl、意粉、burger 同埋小食等等,每一道菜都好吸引。而飲品方面,佢地提供汽水同酒類飲品等🍸
日式柚子牛油果 刺身沙律 $98
我地首先點左一道Signature bowl,再喺四款食材當中挑選一款做bowl 底。由於本身想試既稻庭冷烏冬已經售罄,而壽司飯同長通粉又太heavy,所以最後我揀左沙律菜🥗 呢款poke bowl 色彩繽紛,面頭鋪滿綠油油既牛油果🥑、橙紅色既 刺身,同埋半隻溏心蛋。刺身有三款,包括三文魚、吞拿魚同埋鯛魚🍣。每一款都係新鮮肥美,魚油豐腴,同日式柚子醋好相配👍🏼
牛油果肉質細膩,成熟程度岩岩好。入口香軟細滑,味道鮮美 🥑
半熟蛋 🥚
呢到既半熟蛋拿捏得好好~蛋白好嫩滑,而半熟蛋黃同酸酸甜甜既沙律菜相映成輝,香甜稠密😋
美國芝士煙肉牛肉漢堡配薯條 $108
芝士煙肉牛肉漢堡即叫即整,淨係睇賣相已經非常吸引~
新鮮即炸既薯條外脆內軟,一端上枱面已經聞到濃濃既薯香。咬開金黃色香脆既外皮🍟 可以品嚐到新鮮既薯蓉,口感一流😋
牛肉漢堡夾著生菜、洋蔥同芝士,重點當然係中間塊香煎牛肉漢堡。整塊牛肉漢堡分量十足,同手掌一樣大,鮮嫩多汁。 我地將漢堡包切成兩份享用🍔 除左品嚐到香濃既牛肉味道,洋蔥同生菜亦為漢堡帶來一點小清新。
另外,餐廳選用自家製海膽咸蛋黃醬作為調味醬汁,頗有特色。
當晚真係好滿足,連朋友都大讚有驚喜。餐廳店員既態度親切和藹,耐心地為我地解答有關食材既問題。A bowl 係一個好唔錯既小聚地點,好適合放工後或假日去放鬆一下,同朋友慢慢傾、慢慢食 😋
Post