Video
Read full review
2022-10-15
1618 views
鐘意唔鐘意，係一種直覺。一望到呢間cafe，已經感覺好calm。店內佈置簡單，但感覺佢留咗好多空間俾人探索同感受~~同朋友點咗冇喺餐牌上出現的Dirty。因為我哋未食早餐，所以亦點咗XO醬臘腸scone、蘑菇芝士燒牛肉三文治同芝士餅。雖然聽落好heavy，不過因為冇時間壓力，加上享受呢度的氛圍，慢慢食，傾下計，唔經唔覺啲食物好似好易消化咗我鐘意Dirty的其中一個原因係可以睇住上層的咖啡慢慢同下面的凍奶混和，當靜落嚟的時候，單單係觀察呢種流動帶嚟的變化，已經係一種享受。Scone係鹹點，佢的材料比較特別 -- XO醬同臘腸。兩種食材同scone的味道對比太大，呢種fusion雖然創新，但就唔係太啱我，因為配料味道太搶，有啲霸道。蘑菇芝士燒牛肉三文治的麵包好酥香、鬆脆，配料份量足。雖然我冇食燒牛肉，但蘑菇芝士都好夠味，好好食。芝士餅冇相片，唔係唔想影，只係蛋糕太吸引，一嚟到就食咗喇。蛋糕幼滑，唔漏。啱啱上星期先喺Pasticceria Giovanni Pina食咗米蘭芝士餅，雖然兩種芝士餅的風格同製作唔一樣，但單純以味道、口感論，呢間小店的製作係完勝。食完，再外賣2個焙茶紅豆麻糬bag
同朋友點咗冇喺餐牌上出現的Dirty。因為我哋未食早餐，所以亦點咗XO醬臘腸scone、蘑菇芝士燒牛肉三文治同芝士餅。雖然聽落好heavy，不過因為冇時間壓力，加上享受呢度的氛圍，慢慢食，傾下計，唔經唔覺啲食物好似好易消化咗
我鐘意Dirty的其中一個原因係可以睇住上層的咖啡慢慢同下面的凍奶混和，當靜落嚟的時候，單單係觀察呢種流動帶嚟的變化，已經係一種享受。
Scone係鹹點，佢的材料比較特別 -- XO醬同臘腸。兩種食材同scone的味道對比太大，呢種fusion雖然創新，但就唔係太啱我，因為配料味道太搶，有啲霸道。
蘑菇芝士燒牛肉三文治的麵包好酥香、鬆脆，配料份量足。雖然我冇食燒牛肉，但蘑菇芝士都好夠味，好好食。
芝士餅冇相片，唔係唔想影，只係蛋糕太吸引，一嚟到就食咗喇。蛋糕幼滑，唔漏。啱啱上星期先喺Pasticceria Giovanni Pina食咗米蘭芝士餅，雖然兩種芝士餅的風格同製作唔一樣，但單純以味道、口感論，呢間小店的製作係完勝。
食完，再外賣2個焙茶紅豆麻糬bagel。Bagel少貴（$50/個），但一個可以當一餐。最外層的麵包味道清淡，唔會太硬或太韌，入面全個紅豆麻糬，麻糬煙韌，裡面的紅豆餡微甜，係一個令人滿足的小食/甜品。
多謝cafe為我同朋友帶嚟一個寫意的周末早晨！今日見有食客帶埋金毛尋回犬入嚟嘆咖啡，當知道cafe係pet friendly後好開心，我都想搵日帶埋狗狗過嚟開餐呢！
Post
