海皇粥店 (Closed)

是日睇完牙醫，無咩胃口，就簡左海皇粥店，對上一次食海皇粥店，亦都係睇完牙醫，因為夠哂方便就腳，野食又算容易入口。簡左個感覺濃味些少又唔多需要咬既南瓜肉碎粥，同唔洗用力咬既蒸蘿蔔糕。個南瓜肉碎粥，得少少南瓜味少量肉碎同粟米粒，食落去感覺似飲緊粟米湯。而蒸蘿蔔糕比例唔係太好，太多糕而料太少，不過好多連鎖餐廳既蘿蔔糕都係咁既。食完會有種口渴既感覺，只可以講有飽肚感，但野食就比較清淡。我諗下次再食既時候應該都係睇牙醫既日子吧。