Mimila (Closed)

今次去到沙田嘅新城市廣場，唯獨是 呢一間嘢冇人排隊 ，見到其他都排曬長龍， 所以我哋就入咗呢間試下~我哋叫咗個二人套餐~ 想食好少少嘅面就要加錢， 平均一個面大概百幾蚊左右~加錢試咗佢嘅喇沙配手撕雞，喇沙嘅味道偏淡，只係普通清湯再加啲喇沙味，感覺令人有啲失望，雖然雞嘅份量都比較多 ， 不過都比較鞋口， 完全唔會想食😂另外叫咗個馬來蝦湯麵，由於冇加錢嘅關係，連配菜都少啲， 豆卜多少咗粒，感覺有啲孤寒😂都係普通蝦湯麵嘅味道，味道稍為清淡~唔覺得有咩特別覺得最好食就係沙嗲串燒，其實同普通出面嘅沙爹串燒差唔多味， 都冇咩特別之處，但係已經係幾樣嘢食入面最好味， 可想而知啲麵幾普通😂😂嘢飲都係不過不失啦，普通跟餐嘅嘢飲，雖然我哋加咗錢叫咗杯美祿暴龍可可， 不過都係普通美祿味道😂😂整體嚟講未必再幫襯，因為味道真係麻麻地，而且百幾蚊個麵唔期望係咁清淡，呢個價錢令人有啲失望，性價比低~#馬來西亞 #馬來西亞美食 #thaifood #thailand ##thai #油塘美食 #海南鶏飯 #海南雞飯 #雞飯 #喇沙 #香港特色 #香港美食指南 #香港美食 #食好d食平d #食評 #食好西 #食好d #