住家菜 (Closed)

之前去過舊舖一次，感覺不好，又大油煙味。事隔大半年，得悉新鋪係利舞臺，環境應該OK，於是相約舊老闆聚舊。兩人一共點了:- 老伙湯$10/位- 老少平安- 金針雲耳蒸雞時日老伙湯幾掂，雪耳煲到起膠，夠火候，正！老少平安即係魚肉冬菇蒸豆腐，舊老闆覺得味道普通兼無層次感；但我覺得幾好，因為清清哋，食到豆腐味。金針雲耳蒸雞味道調得唔錯，雲耳又夠多，可惜啲雞唔多滑，無乜脾位。最後奉送南爪西米露，味道唔錯，但略嚴太稀。Service方面，侍應非常有禮，但係同舊舖一樣非常心急，碟餸都未食完就話上甜品，其實都無人等位，而且又有數枱吉位，洗唔洗呀？