囍越 (屯門市廣場) (Closed)

有時晚餐想食清清而咁岩我又出去屯門的話，都會去食呢間越南野。佢嘅湯河，感覺上係清清地但係會有D 味但係又唔會話好淡口。之前已經食過佢嘅火車頭，餸嘅份量都算多！今次叫左個燒豬扒湯金邊粉，個餸同埋個湯金邊粉係分開上嘅，咁個豬扒就唔會淋晒啦！最怕就係放埋一碟食到尾嘅時候個餸又淋晒，個湯粉又油晒！佢本身係跟河粉，但係下面都有幾款選擇俾人揀，而我就鍾意食金邊粉多d！另外仲有d香料，芽菜同埋檸檬佢分開一個碗仔上，可以自己就番自己口味去加。