貴族甜品 (元州街)

Open Now

Now Closed

好鍾意嚟貴族食糖水，因為夠多款式，價錢又相宜。同埋年紀越大，個人越嚟越鍾意食有汁嘅糖水，飯後嚟一點甜，令人滿足。呢碗甜品叫清湖映月（$33)，個名改到好有詩意，吸引咗我去點。其實入面既材料有芒果、紅豆、芒果雪糕、椰果同埋紫米露， 色彩繽紛，材料豐富，而且有唔同質感，可以製造到口感上嘅對比。而且有大大舊芒果，香甜可口，加上冰涼嘅椰果，夏天熱辣辣食呢碗清湖映月特別fresh！ 本身我好鐘意食紫米露，呢到d紫米露亦煮得唔錯，質感軟綿，保持左口感得來又唔會一pat野咁黐埋一舊。唯一要挑剔嘅係芒果雪糕既味道比較人工。