新仙清湯腩 (Closed)

今日路經灣仔集成中心，見到地下新開一間麵店，內已坐滿好多人，相信資素唔差，故特意一試，打開餐牌，一個套餐包一碗麵和一杯飲品，$40.00，不算平宜，單一碗腩河則$35.00，主打為牛腩，可叫肥D，瘦D，和半肥瘦的牛腩，當然有坑腩，崩砂腩...等牛腩叫。我保險D，叫咗牛腩撈麵，要$41.00，清湯來時，先試一口，尚算清甜，撈麵到來時，牛腩非常對辦，一半筋，一半肉，食落有牛味，還有咬口，跟着食麵，麵質麻麻，沒有口感，梘水味强，要落醋才可以食完碟撈麵。總體來說，可以一試，當然，如果他們的河粉掂的話，評分就會高。