Cafe&Meal MUJI

Open Now

Now Closed

無印呢個品牌真係好成功，每次行無印都覺得自己去咗另一個世界咁，環境簡約得嚟夠空間又舒服，而佢嘅cafe都係一樣，木造餐桌椅好有日本feel，食飯地方仲有書架俾你睇下書，作狀得黎又文青咁，係香港真係無咩呢啲地方。今次食嘅係四品料理，兩個冷盤兩個熱盤，嗌咗個甜椒醬炸雞、黑芝麻豚肉配豆腐蔬菜、雜菜厚燒玉子同昆布大根拌帶子，配十六榖米飯。食得到材料全部都好新鮮，玉子配梅子醬汁好清爽，炸雞完全無油膩感，最鍾意個昆布大根，醋嘅酸香加埋啖啖肉帶子，做到味道同營養並重雖然呢個四餸飯要成舊水，但都俾得心甘情願嘅，起碼自己係屋企整唔到呢種味道同環境！