甘甘好蔗 (Moved) New Location

旺角食完晚飯,經過肥姐附近見到有間新店,主打蔗汁飲品店。朋友本身好鍾意蔗汁,每次去飲品店見到甘蔗青茶都一定會點。見到甘甘好蔗有十多款唔同蔗汁飲品,朋友話一定要試下。最後叫左蔗杯白桃&蔗杯蜜瓜。因為飲品都無額外加糖,所以唔洗揀甜度,但可以揀冰度。蔗杯白桃($32)落完單見到店員即榨蔗汁,唔係預先整好,保證新鮮。白桃肉分量好多,飲落好清甜,好天然。蔗杯蜜瓜($34)蔗杯蜜瓜同白桃唔同, 蜜瓜肉係打爛,所以飲落好濃蜜瓜味,估唔到蜜瓜同蔗汁都可以夾到。飲落好fresh,仲可以食得到絲絲蜜瓜肉。依加買一杯飲品就可以抽獎,有機會飲多杯。雖然今次抽唔中,但下次經過我都會再試下佢其他飲品。