甜公館

Open Now

Now Closed

係大角咀食完飯，朋友話佢食得唔夠飽，見有啲肚餓，於是大家走咗去食糖水！ 發覺間鋪都好多種類甜品同糖水， 傳統中式糖水，窩夫，沙冰，芋圓同椰皇等等，基本上點都有一款啱食。店員話今日有椰皇返貨，推介椰皇燉牛乳，但我本人就麻麻地食椰皇，所以叫咗一碗椰汁紫米露$32同一碗紅棗冰糖燉桃膠$40。椰汁紫米露稀稠度剛剛好加上椰汁好香，入口又唔會太甜，紫米煲夠時格又唔會太硬，最重要紫米膳食纖維豐富可以增加腸臟蠕動預防便秘好有營養價值。紅棗冰糖燉桃膠，唔會死甜，桃膠都多，連埋桃膠一齊食會清爽啲，有咬口。總結嚟講呢兩碗中式糖水好食， 但整體份量就少咗d ，大食既人可能要叫多一碗。