頭啖湯

Open Now

Now Closed

招牌椰子雞湯米線 $64自選配料: 特級潮汕牛丸、特色魚肉春卷、萵筍湯底清甜，飲到濃郁椰子味，飲得出冇加味精，係屋企會飲到嘅味道，配有四件雞件，雞腿位置，肉質嫩滑，配有少許 杞子、小棠菜、雲耳、椰子片。因為買外賣，配料放喺湯，一倒米線，配料沉底，真正分量國唔只相中咁少。米線爽滑彈牙，潮汕牛丸有三粒，彈牙爆肉汁，好重牛味，冇雪味，魚肉春卷兩大條，略厭炸得太燶，萵筍有五塊，口感爽脆。見到文宣話因疫情影響，六點後只准外賣，加上地點偏遠，令餐廳生意雪上加霜，去開附近就支持下，入到餐廳，老細唔想招呼你，一副唔優做嘅態度，身為客人，感覺幾差，希望能改善服務態度，否則逆市中更難生存。