Video
Read full review
2018-11-30
109 views
好神心咁再去西營盤陪朋友覓食，發現依間食中國火鍋嘅餐廳，咁啱前排有朋友食過堅尼地城店話幾好食，就入咗去試。難得有椰子雞馬上點半鍋，另外就點咗個酸菜魚食，一清甜一酸辣啱啱好。食椰子雞仲有額外嘅調味料，加咗好多沙薑超香。半鍋嘅雞件都幾有份量，而且好乾淨。落咗想食嘅雞件份量，滾起就食魚先。魚件細嫩，酸菜味非常入味，隱約後面有一股辣勁，酸菜鹹酸得好惹味，搞到我忍唔住不斷食。雞件嫩滑，點汁更好味，清甜帶有椰香嘅雞湯令人飲完一啖又一啖。食完魚片就落咗寬粉同墨魚滑落酸湯度，吸哂酸湯嘅味同薄薄嘅一層油十分開胃。脆皮紅糖𥔵粑香糯細軟，同平時食開嘅炸皮又不甚相同，冇咁熱氣。最後點咗兩款燒烤——茄子同羊肉，茄子蒜香味濃，羊肉就孜然同辣粉味重。食到好飽好滿足，就可以喺附近海傍散步消食，著數😆
難得有椰子雞馬上點半鍋，另外就點咗個酸菜魚食，一清甜一酸辣啱啱好。
食椰子雞仲有額外嘅調味料，加咗好多沙薑超香。
半鍋嘅雞件都幾有份量，而且好乾淨。
落咗想食嘅雞件份量，滾起就食魚先。魚件細嫩，酸菜味非常入味，隱約後面有一股辣勁，酸菜鹹酸得好惹味，搞到我忍唔住不斷食。雞件嫩滑，點汁更好味，清甜帶有椰香嘅雞湯令人飲完一啖又一啖。
食完魚片就落咗寬粉同墨魚滑落酸湯度，吸哂酸湯嘅味同薄薄嘅一層油十分開胃。
脆皮紅糖𥔵粑香糯細軟，同平時食開嘅炸皮又不甚相同，冇咁熱氣。
最後點咗兩款燒烤——茄子同羊肉，茄子蒜香味濃，羊肉就孜然同辣粉味重。
食到好飽好滿足，就可以喺附近海傍散步消食，著數😆
Post
