寶寶雞煲 (Moved) New Location

難得放假梗係約埋班朋友去打邊爐，今次去既係寶寶雞煲，之前有朋友推介過話好食，所以就去試下啦因我地個個都唔食辣又想食得清清地，所以就揀咗椰子走地雞煲，湯底下面有椰子片同栗子，都幾清甜下我見湯底方面仲有好多款式，又可以揀辣同唔辣~~真係周到雞件係分開送上，唔係放係嗰煲入面！！啲雞質地微微嫰滑，無任何調味~~都係靠嗰湯底黎吊味 食到雞既原汁原味！牛骨髓，口感唔錯，膠膠黏黏的~充滿骨膠原，入面仲有啲骨髓，味道一流鵝腸，超肥美~入面有好多肥膏黐住！！中意食既朋友仔都知道鵝腸縮水得好快，如果夠肥，口感一流黑柏葉，略嫌有點老，但都算爽口，碌完都唔縮水生劏田雞，最記得係依樣因為真係生劏，一放上枱啲田雞腳仲識郁㗎，好新鮮，而且啲腳仲好肥美三寶丸，有墨魚丸，牛肉丸同鯪魚球，每款都唔錯！墨魚丸幾彈牙爽口牛肉球好有牛味，而鯪魚球就不過不失！！手打蝦丸，蝦丸體積好大而且蝦膠打得彈牙，入面仲有好多原隻蝦，蝦味十分突出~~值得一試朋友推介果然冇錯，質素不差，性價比可以