Video
Read full review
2013-03-06
72 views
一個晚上，我地一班老友記o係灣仔覓食。行至盧押道，遇到有個好鬼友善既外國人、佢著住中東服飾派傳單，由於佢非常熱情既關係我地都抵擋唔住就拎左張。傳單上面寫住清真阿拉伯菜。咦，其實我地全部人都未試過阿拉伯菜喎！所以我們決定上去一試究竟！餐廳係位於商業大廈既11樓，所以如果你唔係睇到傳單、或者o係openrice check到地址都幾難會發現到佢既存在。上到去餐廳，地方細細但係裝修幾有中東感覺，感覺似家庭式小店。地方光猛乾淨，播住中東音樂，加上中東人老闆，感覺好異國風情。我地四個人叫左一個四人餐，先黎頭盤有四款：雞心豆茸、茄子茸同埋兩個沙律。豆茸同埋茄子茸係配中東麵包黎食，經友善既老闆講解後我地明白係將麵包撕開細細塊、再點落去D豆茸黎食。豆茸好幼滑同埋好香豆味，同時帶少少咸味同酸，係幾好味既頭盤。茄子茸係將茄子煮熟再搞爛成茸，混入乳酪其他材料而成，口感特別、味道濃郁，好味道！其他兩款沙律都唔錯，並唔係求其貨色。湯只有扁豆湯一款，湯既質感好濃，可隱約見到磨碎既扁豆係入面，味道亦佳，可以試到豆味同埋香料味。黎到主菜喇，主菜分別有：烤羊架、烤雞腿塊、香草烤雞絲、同埋羊肉粒配雜菜。羊肉粒煮得很"淋"
行至盧押道，遇到有個好鬼友善既外國人、佢著住中東服飾派傳單，由於佢非常熱情既關係我地都抵擋唔住就拎左張。
傳單上面寫住清真阿拉伯菜。
咦，其實我地全部人都未試過阿拉伯菜喎！所以我們決定上去一試究竟！
餐廳係位於商業大廈既11樓，所以如果你唔係睇到傳單、或者o係openrice check到地址都幾難會發現到佢既存在。
上到去餐廳，地方細細但係裝修幾有中東感覺，感覺似家庭式小店。
地方光猛乾淨，播住中東音樂，加上中東人老闆，感覺好異國風情。
我地四個人叫左一個四人餐，先黎頭盤有四款：雞心豆茸、茄子茸同埋兩個沙律。
豆茸同埋茄子茸係配中東麵包黎食，經友善既老闆講解後我地明白係將麵包撕開細細塊、再點落去D豆茸黎食。
豆茸好幼滑同埋好香豆味，同時帶少少咸味同酸，係幾好味既頭盤。
茄子茸係將茄子煮熟再搞爛成茸，混入乳酪其他材料而成，口感特別、味道濃郁，好味道！
其他兩款沙律都唔錯，並唔係求其貨色。
湯只有扁豆湯一款，湯既質感好濃，可隱約見到磨碎既扁豆係入面，味道亦佳，可以試到豆味同埋香料味。
黎到主菜喇，主菜分別有：烤羊架、烤雞腿塊、香草烤雞絲、同埋羊肉粒配雜菜。
羊肉粒煮得很"淋"很入味，配上三色椒及其他蔬菜。
香草烤雞絲既味道非常好，可以感受到用左好多特別既香料製成，配上佢地既特色阿拉伯香料飯，很正！
烤雞腿塊係去骨去皮既雞肶肉，加上特別醃料烤成，配上一個香蒜汁，雞肉惹味、肉質彈牙。
我地問老闆呢度既雞肉有咩特別之處，點解肉質比出面彈牙呢，佢答我地話呢度既肉類全部係經過清真方式處理，所有動物o係屠宰前都會向佢地訟經，呢個舉動能夠令動物鬆弛落黎，然後用利刀快速切斷兩條大動脈為動物放血，只舉可以減低動物痛楚同埋令佢地快速離開咁話。佢仲話清真既肉其實唔係好貴，提議我們有興趣有可以同佢買d返去試下。在下有時都會下廚，考慮下先！
anyway，離左少少題添，返番去最後既羊架。
烤羊架有四件，size ok，每支羊架上都留有些肥肉，令其煎時可將脂肪的香味散發出黎。而呢碟菜式亦都不負眾望，羊肉味道一流，加上香料之後沒有搶走肉味，而且並不太"蘇"，大家都好滿意。
最後仲有甜品，不過在此不作詳述喇，質素亦係唔錯的。
整體黎講，對於食物同服務我地都好滿意。
埋單最後每人應該係百三百四蚊到，食得開心滿足、加上佢係特色菜，呢個價錢係抵食的。
佢窗口旁邊有兩張二人檯，可以睇到個靚街景，下次會同老婆黎撐檯腳。
Post