齊齊素 (Closed)

大魚大肉了幾日，想食些清淡的菜，放工經過這間齊齊素，見佢價錢唔貴，晚市都是百多元，平時食個set dinner都唔只啦！這裏全部都是自助形式，用完器皿需要放去回收箱。沙律有這一輪大熱的紅菜頭及藜麥等，還有沙律菜，新鮮爽脆。炸物有差不多十款，炸薯條、天婦羅、春卷、咖哩角等等，有些比較脆，但有些可能旆了一段時間，比較腍，春卷的味道最好味，天婦羅比較清淡，但整體都唔會太油膩。西式類有薄餅及小漢堡，雖然係素，但味道卻不俗。咕嚕肉就是用猴頭菇做，酸甜開胃。其他多以蔬菜、豆腐、菇及瓜等為材料，味道不過不失，唔算太特別。而主食就是狗仔粉及粗炒。最後還有桃膠糖水，女士養顏滋潤。