関東酒場 (Closed)

約咗好耐冇見嘅朋友去了一間很有特色的居酒屋，亦都係一間關東煮專門店，這裏環境裝修好有日本氣氛，好適合同朋友食下串燒飲下酒傾下計嘅好地方。居酒屋設有清酒放題，主要有兩款有「竹」放題$308/一位，可以提供多款不同口味的清酒🍶如果有女士的話可以加多$100左右升級為「松」放題可以試埋甜美日本果物酒及多款料理放題😋飲酒之前餐廳好細心為我們送上日式雞湯，飲完雞味濃郁的雞湯之後身體即刻暖笠笠好舒服。金紋世界鷹純米吟酿這款清酒我最喜愛有微微的菠蘿果香，中段會飲到青蘋果的香味，尾段帶點辛口。香住鶴山廢特別純米入口有香醇乳酸菌酵獨特味道，口感好有層次。宗政 純米吟酿使用高脂生成酵母，口味甘甜濃郁，酸味平均。九頭龍 逸品口味爽口且清淡，微甘清香。燒物我們點了燒茄子、豬腩串、大蔥雞肉串、日本和牛串等，燒茄子蒜蓉味香濃，啖啖肉。豬腩肉食落油脂滲出，雞肉燒得外脆內嫩，和牛惹味，配清酒一流👍牛肉壽喜燒最後食返個暖笠笠的牛肉壽喜燒，牛肉切得好薄好鮮嫩，蔬菜好淋好入味，超滿足！