清山塾 (Closed)

今日放假特登過黎，一方面就係因為佢嘅清幽寧靜既環境，另一方面就係想試下呢度嘅素食。一入到去就係一個小庭園，雖然植物唔多，不過有唔少裝置藝術，幾有意思。餐廳入面係open kitchen，樓底好高空間感好強，枱與枱之間亦有一定距離，坐得舒適。餐廳採用自助形式，食完麻煩大家自己收拾餐具啦。原諒我真係唔記得左呢個係咩意粉，係蒜香，有少少辣既，味道唔錯，不過真係略嫌油左少少，失了一份素食既健康。而呢個就係all day breakfast，份量唔少，每樣野都整得唔錯，我最喜歡佢既菇同蕃茄，雖然簡單但絕對唔單調。咖啡都屬一般質素。總括而言，呢度好適合假日黎拎本書過一個慵懶既下午，飲下咖啡食件cake，感覺悠然自在。