Video
Read full review
2016-12-14
829 views
唔知點解，依個年代，人人都話好忙，其實，有時候喺唔知忙乜，尤其香港人，總喺衝衝衝，停唔到落嚟咁。但當真喺放慢腳步，停低咗，你又會做乜呢？其中一樣，搵個好地方，嘆個下午茶我就覺得最寫意不過。柯士甸道近向漆咸道一段，非常靜，行人唔多，位處近柯士甸路路口嘅Café Hillywood，喺一家處於地庫鋪位嘅餐廳，門面唔算顯眼，好易唔覺意過門不入。但落到去又喺另一片天，開放式廚房就晌近門口處，地方非常闊落，一室以灰白配襯，加上一啲壁畫、植物，頗有一派悠閒嘅咖啡室之感，仲幾文青風。下午嚟到，稀疏嘅食客流，整個環境清靜得緊要。餐廳無下午茶餐供應，但就有6款甜點作為Cake Set形式供應，基本上散點每客甜品要$45，但Cake Set只賣$68，另包一杯$50以下嘅飲品。不過，本來睇中一啲飲品，但過咗$50，問問喺唔喺可以補錢，但竟然喺唔得嘅，選擇上好缺乏彈性！海鹽焦糖撻賣相唔差，雖然，睇落撻面嘅朱古力慕絲有點乾，但其實入口又幾幼滑，朱古力味仲非常濃郁；下面有一層拖肥醬，因為做得薄薄，甜得嚟唔會太過份，撻殼亦比想像中鬆化。香蕉朱古力一層夾一層嘅香蕉蛋糕同香蕉果蓉，引發出嚟嘅香蕉味都幾香濃突出，當然，
柯士甸道近向漆咸道一段，非常靜，行人唔多，位處近柯士甸路路口嘅Café Hillywood，喺一家處於地庫鋪位嘅餐廳，門面唔算顯眼，好易唔覺意過門不入。但落到去又喺另一片天，開放式廚房就晌近門口處，地方非常闊落，一室以灰白配襯，加上一啲壁畫、植物，頗有一派悠閒嘅咖啡室之感，仲幾文青風。下午嚟到，稀疏嘅食客流，整個環境清靜得緊要。
餐廳無下午茶餐供應，但就有6款甜點作為Cake Set形式供應，基本上散點每客甜品要$45，但Cake Set只賣$68，另包一杯$50以下嘅飲品。不過，本來睇中一啲飲品，但過咗$50，問問喺唔喺可以補錢，但竟然喺唔得嘅，選擇上好缺乏彈性！
海鹽焦糖撻賣相唔差，雖然，睇落撻面嘅朱古力慕絲有點乾，但其實入口又幾幼滑，朱古力味仲非常濃郁；下面有一層拖肥醬，因為做得薄薄，甜得嚟唔會太過份，撻殼亦比想像中鬆化。
香蕉朱古力一層夾一層嘅香蕉蛋糕同香蕉果蓉，引發出嚟嘅香蕉味都幾香濃突出，當然，食開香蕉蛋糕都知，唔似海綿蛋糕咁鬆軟，但質感算唔錯，至少唔會「乾爭爭」；面層嘅朱古力醬雖然濃郁，但就乾身咗啲，欠軟滑。
鮮奶咖啡賣相拉得細緻，味道亦都不俗，幾醇香，但口感就麻麻，入口會覺得唔夠「勻巡」，奶泡種順滑未充分顯出嚟。
菠蘿香葉梳打望落去令人感覺清爽，友人話入口亦喺有份好爽朗嘅感覺，菠蘿加蘿勒，味道又幾襯喎。
環境確喺唔錯，可能位置問題，下午真喺客唔多，顯得更加幽靜。食件餅，飲杯咖啡，唔使成日都要喺星巴克嘅。
Post
