八居酒屋 (天文臺道) (Closed)

經過門口見環境幾好同比較清靜，就同朋友入黎試下。前菜櫻花蝦凱撒沙律配合好好味，初時就咁睇以為一條條紅色既係蝦鬚，但咬落口感唔似，最後忍唔住問下經理，原來係辣椒絲，再加上櫻花蝦本身少見用黎做沙律，成個沙律包括食材都好有新鮮感，好岩做開胃菜。燒鰻魚雖然唔平，但值得推介俾大家黎食，表皮燒到好脆，肉好滑好林，做到外脆內軟，入口即溶既感覺！同時鰻魚汁味濃，加埋食一流！喜歡食鰻魚既（包括我）都一定要試下！雞胸肉三味燒（因為當日無雞胸，所以轉左做雞槌）睇名已經知係三色三味，分別有我近期經常食既明太子，略帶咸味，中間應該係酸梅味，不過本身我怕食酸野，我就咁食好酸，最後綠綠地色既...未食都知係芥辣味，整體雞肉燒到剛剛好，肉質唔會又鞋又老。食完咁多濃味食物，最後配返個清淡菜式---野菜烏冬，烏冬非常爽口，再加野菜連湯係可以等味覺中和下。最後叫左有種酸酸甜甜感覺既青森蘋果汁，細細杯飲完唔會成肚水既感覺。