峇峇娘惹 (MOSTown新港城中心(4期)) (Closed)

簡單食左個下午茶，味道又幾唔錯。叫左個湯粉好平，仲要散叫飲品同菜都係超優惠價！1.手撕雞雞湯河粉湯粉湯底算清，唔會死鹹，而真係有好香雞味。雞絲唔會韌幾香滑。有好多芽菜做配料，好爽脆口感更豐富。河粉亦做得好滑，粗幼適中。雖然只係一碗好簡單嘅湯粉，但味道都幾滿意。2.參巴通菜通菜菜味都ok. 口感尚可。而調味係靠混雜於菜上嘅醬汁。第一次食此味道，都幾辣，個人唔太受得住。但鍾意食辣嘅人會覺得好惹味。3.羅漢果冬瓜茶羅漢果本身偏甜，配冬瓜茶味道互相平衡得幾好。而恰巧食辣菜配上此羅漢果茶能發揮中和作用解辣。對於我鍾意飲甜野又唔多食得辣嘅人真係啱晒。