養心殿台式養生鍋 (Closed)

尋晚終於食左期待已久既養心殿火鍋啦！同行四個人，剩係湯底都有6個選擇，最終我地選擇左美人鍋，湯底來到啦，每人飲左一碗湯先，湯好清甜，有雞味，仲有好多桃膠，真係好養顏，叫左4隻聖子皇同1份蝦（有6隻大大隻）海鮮好新鮮！蝦插住竹韱放係枱都仲跳咗出來，仲叫左碟本地手切牛，顏色鮮豔，有口感同好有牛味，所有食材十分新鮮，最值得推仲係鵝肝丸同黑松露丸，本身聽個名就冇乜興趣，抱住一試心態，點知食完有意外驚喜，松露丸黑松露味好濃郁，好香松露味，鵝肝丸比黑松露丸就遜色左少少，但入面都有少量鵝肝醬，味道都好食！只係唔夠松露丸出色。值得一提係服務員態度非常好！全程都好好笑容！仲好細心經常加湯底，唔洗成日叫人加湯。個個都食到好飽，好滿足。