Eat Matters (Closed)

今次嚟到深水埗 Eat Matters， 試下佢啲生酮批和飲品，Eat Matters 位置在合舍內。問店員有咩係適合生酮飲食，店員都很耐心地講解話，佢哋全部嘅批和全部飲品都適合生酮飲食。因為我嗌外賣所以店員很細心地問我喺店裏面整熱先攞走，定係返屋企先至整熱佢，佢哋亦附上返屋企叮熱嘅做法，十分細心。 介紹咗佢哋出名嘅辣椒油畀咗少少我攞返屋企試下。咁我就嗌咗佢哋全部三款嘅批各一， 包括自家製蕃茄蓉牛肉批($78)、 忌廉汁龍蒿葉雞批($78)、 五香炒冬菇手撕鴨肉髀批($78)， 嗌咗杯凍玄米茶杏仁奶 (日本丸安茶業)($48)。凍玄米茶杏仁奶味道回甘配合淡淡的杏仁味。自家製蕃茄蓉牛肉批味道係最濃，有好濃郁嘅牛肉味， 個批個皮係好脆好乾身好正好好食。五香炒冬菇手撕鴨肉髀批， 味道好香。忌廉汁龍蒿葉雞批相對嚟講比起其餘兩隻批味道偏淡。總結: 食物飲品質素唔錯， 相對現在外食環境健康嘅外食選擇唔多， 呢間提供咗一啲特別嘅食物種類選擇， 令減肥既食物更有新鮮感。適合生酮飲食 低碳飲食超低碳飲食