渝味曉宇重慶老火鍋 (QRE Plaza) (Closed)

原來減肥都可以打邊爐！今次黎渝味曉宇係特登試佢聯乘唐貝詩推出嘅< 渝味曉宇 X 生酮達人唐貝詩 Keto火鍋 >睇下係咪真係食得過癮又健康生酮火鍋湯底可以選鴛鴦鍋， 唔使減肥嘅朋友可以照食傳統大紅重慶麻辣湯！我就食養生花膠雞鍋，味道鮮美，啖啖骨膠原！係三黃雞加入花膠、新鮮蟲草花、杞子及鶏湯等淆製而成！方叔叔都推薦咗好多生酮優質食材！我哋叫咗美國Prime牛小排、黑豚腩肉、鮮鵝腸、美國桶蠔、功夫萵筍片、皇帝菜、冬瓜推介必點海帶麵，以海帶製成的麵條，主要是纖維接近零卡，代替一般麵條，口感更爽脆吸湯！用埋生酮雞粉、生酮醬油、生酮糖做調味醬，真係食得滋味！配埋生酮特飲，例如青檸梳打、生酮雜莓梳打、生酮雜莓雞尾酒同埋羅漢果茶！我揀咗羅漢果茶，佢係用 15 粒羅漢果加水煲製 45 分鐘甜味完全係來自無添加的羅漢果糖，生津解渴！從此， 減肥打邊爐都可以食得開懷！大快朵頤！