Video
Read full review
2022-10-10
71 views
一日最煩係諗食咩!問女友小熊晚餐想食咩，佢話減肥喎，玩咩咩 168 喎! 所以唔洗幫佢買晚飯...... 算數! 我自己買外賣!心血來潮晚飯想話食金鶴拉麵，於是打算收工後落佐敦店叫外賣，途中小熊打嚟問我身在何處...."我咪坐緊車落佐敦買外賣囉!""...... 不如去金鶴堂食啦! 因為.... 其實我今日落咗油麻地見客....""你又話減肥?""我玩168，都無食早餐，中午先食飯...."其實我都唔係好明佢講咩，咩叫168，總之.... 最後由外賣變堂食.一踏入店舗，日劇"深夜食堂"嘅氣氛又出現，再加上播放日文歌曲令氣氛更濃，好似身在日本D後巷小店!小熊點咗極濃雞白湯拉麵，而極濃蟹湯拉麵仍然係我至愛!極濃雞白湯拉麵上有塊炸牛蒡，炸得香脆之餘視覺上都好正，炸到好似一件藝術品.極濃蟹湯拉麵蟹肉份量不少無偷工減料，有D拉麵店嘅拉麵分軟，中，硬. 金鶴拉麵嘅麵質屬於硬，當然唔係硬到咬唔到嘅硬啦! 而口感夾自己口味，因為我唔中意食軟質拉麵.由於中午已經想話放工後落金鶴買外賣，所以 Lunch 唔食太多留定肚飲佢地嘅濃湯!其實濃湯先係主角，美味之餘濃郁得不得了，白雞湯已經超濃，但蟹湯更濃郁，小
問女友小熊晚餐想食咩，佢話減肥喎，玩咩咩 168 喎! 所以唔洗幫佢買晚飯...... 算數! 我自己買外賣!
心血來潮晚飯想話食金鶴拉麵，於是打算收工後落佐敦店叫外賣，途中小熊打嚟問我身在何處....
"我咪坐緊車落佐敦買外賣囉!"
"...... 不如去金鶴堂食啦! 因為.... 其實我今日落咗油麻地見客...."
"你又話減肥?"
"我玩168，都無食早餐，中午先食飯...."
其實我都唔係好明佢講咩，咩叫168，總之.... 最後由外賣變堂食.
一踏入店舗，日劇"深夜食堂"嘅氣氛又出現，再加上播放日文歌曲令氣氛更濃，好似身在日本D後巷小店!
小熊點咗極濃雞白湯拉麵，而極濃蟹湯拉麵仍然係我至愛!
極濃雞白湯拉麵上有塊炸牛蒡，炸得香脆之餘視覺上都好正，炸到好似一件藝術品.
極濃蟹湯拉麵蟹肉份量不少無偷工減料，有D拉麵店嘅拉麵分軟，中，硬. 金鶴拉麵嘅麵質屬於硬，當然唔係硬到咬唔到嘅硬啦! 而口感夾自己口味，因為我唔中意食軟質拉麵.
由於中午已經想話放工後落金鶴買外賣，所以 Lunch 唔食太多留定肚飲佢地嘅濃湯!
其實濃湯先係主角，美味之餘濃郁得不得了，白雞湯已經超濃，但蟹湯更濃郁，小熊飲唔哂我都飲埋佢個份，包尾殺! 漲肚!
除咗超濃湯，炸雞同樣出色，外層雞皮炸得超脆，內層雞肉 Juicy, 好過好多炸雞店嘅出品!
飲完兩個超濃味嘅湯，仲以為食燒豬頸肉會淡然無味，事實係相反，燒豬頸肉無落D咩醃料，齋落鹽，雖然只落鹽又出奇地夾，豬肉味濃口感唔乾夠肉汁，美味!
"不如食完拉麵打的返屋企囉" 小熊食到包哂唔多想行.....
"又話減肥!" 我吋佢!
"168意思係咪增肥到168磅㗎!"
168磅的肥熊......
極濃雞白濃拉麵
11 views
0 likes
0 comments
極濃蟹湯拉麵
8 views
0 likes
0 comments
炸雞
12 views
0 likes
0 comments
燒豬頸肉
11 views
0 likes
0 comments
Post
