Video
Read full review
2018-08-27
450 views
呢間餐廳真係勁，佢令我係百忙之中抽出來時間寫食評。呢篇係我人生第一篇既食評呀！因為我係呢間健身室既會員，係入會果陣職員送左兩張$100優惠券比我，我就係咁認識左呢呢間標榜健康飲食既餐廳。每次入健身房都見到d食物，都覺得好想試架，咁尋晚一黎太大雨，二係太肚餓唔想周圍搵飯食，三黎有現金劵，咪捉男友一齊試下囉。我地就叫左一set能量碟同一份吞拿魚卷。介紹返佢set能量碟，有肉有菜有五穀咁比你自己任意配搭。咁我地就揀左牛肉，再配其他沙律咁啦，餐廳會係餐牌度計晒熱量果d都好有心機既，可惜係d職員處理食物既手法真係不敢苟同。沙律都預左係預先包裝既倒出黎比我食，但唔知d職員係咪好唔鍾意浪費食物定幫公司慳錢呢？一碟$78既餐，竟然比d謝過街市跌落地都唔會賣比人既沙津菜，放上隻碟度提供比我食，嘩！每條都好似啱啱操完一樣咁既狀態，我點好意思放佢哋入我口呀，佢地個樣咁攰，落到我個腸胃度，唔好話幫我清潔腸道丫，唔食到我痾都要講聲多謝啦！咁我又係衰既，襯人就收工先叫野食，可能就收工唔想開多袋新沙律菜啦！但我真心唔忍心食d咁攰既植物，就拎去櫃檯同個收銀哥哥仔過目，睇下有冇得換過d精神d既植物比我食落肚啦，咁哥哥仔
因為我係呢間健身室既會員，係入會果陣職員送左兩張$100優惠券比我，我就係咁認識左呢呢間標榜健康飲食既餐廳。每次入健身房都見到d食物，都覺得好想試架，咁尋晚一黎太大雨，二係太肚餓唔想周圍搵飯食，三黎有現金劵，咪捉男友一齊試下囉。
我地就叫左一set能量碟同一份吞拿魚卷。
介紹返佢set能量碟，有肉有菜有五穀咁比你自己任意配搭。
咁我地就揀左牛肉，再配其他沙律咁啦，餐廳會係餐牌度計晒熱量果d都好有心機既，可惜係d職員處理食物既手法真係不敢苟同。
沙律都預左係預先包裝既倒出黎比我食，但唔知d職員係咪好唔鍾意浪費食物定幫公司慳錢呢？
一碟$78既餐，竟然比d謝過街市跌落地都唔會賣比人既沙津菜，放上隻碟度提供比我食，嘩！每條都好似啱啱操完一樣咁既狀態，我點好意思放佢哋入我口呀，佢地個樣咁攰，落到我個腸胃度，唔好話幫我清潔腸道丫，唔食到我痾都要講聲多謝啦！
咁我又係衰既，襯人就收工先叫野食，可能就收工唔想開多袋新沙律菜啦！但我真心唔忍心食d咁攰既植物，就拎去櫃檯同個收銀哥哥仔過目，睇下有冇得換過d精神d既植物比我食落肚啦，咁哥哥仔都立刻請廚房職員幫我換。
咁故事就繼續啦，我透過半開放既廚房門見到廚師就一手抓起d無精神既植物並移除，再放返d精神好多既出嚟，原來係上碟前，廚師會單手鍊一鍊再捽碎d植物再瀟灑地灑上碟，明晒！
原來碟咁精緻既沙律係咁整出黎。
係食得飽既，感覺健康既營養餐，想遠離肥胖首選既餐廳。
96 views
0 likes
0 comments
Post
