金莎冰室

Open Now

Now Closed

今日同男朋友去屯門玩，行過海旁見附近有間冰室就入左去食。😛點知味道好驚喜呀，而且呢個位置人流唔多，坐得好舒服😋坐低兩個鐘鋸個扒為今日畫上完美嘅句號🥰蒜蓉包咁啱佢畀咗一個蒜蓉包係有焗過，但另一個嘅蒜蓉係好似冇焗過咁樣。 🤔試咗冇焗嗰個，覺得食生生地既蒜蓉感覺麻麻，有少少辣辣地，😳都係鍾意蒜蓉有焗嗰個，味道好好多，非常香口。餐湯我就揀咗忌廉湯，湯唔會好稀，味道夠濃，😍入邊有少量粟米，一個好嘅餐湯係對一餐鐵板餐嚟講係好重要，呢個忌廉湯做到呢種效果了。🥳美國安格斯板腱牛扒 配意粉 （$118）牛扒叫了7成熟，配了黑椒汁。118蚊雖然係全部套餐入面最貴，但食完就會覺得係物有所值。🤩牛扒唔會好韌或者太難咬，口感不錯，而且牛味十足。👍份量仲好大份，比左兩塊手掌咁大塊嘅牛扒，仲配一碟意粉，非常足料😋！甜品跟餐送嘅甜品有得揀啫喱或者雪米磁，啫喱仲有提子同青檸兩種味揀。我就揀左青檸，可以refresh下清下口氣。佢仲配埋花奶，非常細心🥰