Getaway (Closed)

今日同事拍板帶我去勁有泰國風的餐廳，來一個忙裏偷閑的午飯。用餐環境寬敞乾淨， 好有渡假feel. 其實中環返工真係揾食艱難，又多人又貴。難得呢度價錢適中，有lunch set, 仲唔使趕住交枱。我同同事一人一個套餐，有前菜，主食同飲品。唔夠食，可以加配湯同甜品，埋單一人都係百零蚊。真係環境舒適，大大碟，抵食！軟殼蟹沙律 - 好大碟，足足有一整隻軟殼蟹，沙律菜夠新鮮爽口。Getaway 秘製烤雞 - 半隻秘製燒春雞，同事對個秘製醬汁讚不絕口，帶少少甜少少辣，最重要係肉質非常鮮嫩多汁。個伴菜是酸酸地的醃菜，同雞的味道非常夾。西京燒比目魚配喇沙意大利飯 - 我好鐘意呢個西京燒比目魚，大大塊之餘，比目魚非常肥美，肉質好滑。