蔡潤記

Open Now

Now Closed

姨婆喺美國回港探親， 我哋做細嘅梗係要一做地主之誼， 帶佢周圍行下同懷緬一番， 大埔區確實係一個好去處，除咗有新型嘅商場，仲有一些舊區，我估佢都應該好有興趣去行下 。大埔區仍然保留住一些舊區嘅色彩，例如個體戶嘅小店、食肆等等…… 不似得荃灣區、沙田區等等，以經被連鎖式嘅商店攻陷。除咗行街市大埔舊墟之外， 醫肚當然係唔少得的。我主動帶佢去試下呢一間大部出曬名嘅粉麵專家，除咗出名魚蛋魚片河，牛腩亦都好出名！呢間 蔡潤記 長時間都係人山人海， 當然值得去一試！魚蛋魚片河 - 魚片切到很薄很細，很有潮州魚片味，而且魚蛋爽口彈牙！當然粉麵舖嘅辣椒油係靈魂所在，我最喜歡！牛腩米 - 牛腩炆得很柔軟，啱曬姨婆嘅口味！呢啲傳統香港特色嘅食物，我心想就算移民到外地的朋友回來都一定是十分想念的，果然我冇介紹錯，我們大家都食得十分滿足。