滿屋定食

Open Now

Now Closed

今日假期，冇北上，就喺本港消費啦，作為一個粉嶺人，就睇吓粉嶺有咩好食啦，呢間餐廳粉嶺人都好高評價我決定嚟一會佢。我一個人挑咗兩個餐，夜晚就唔可以再食嘢啦食咗個特價午餐，冬陰功豬頸肉油麵，豬頸肉都好厚切，份量亦都足夠，明顯地係有炭香，肯定係炭燒，唔係求其煎熟個味道都剛剛好，唔會太鹹有油面就普普通通啦，冇乜特別，但係佢配料係足嘅：豆卜、半個熟蛋、泰國嘅芽菜，好似叫短豆芽有少少意猶未盡，就叫個西多士食，竟然有我最愛嘅斑斕，又有西多士，咁點可以唔要呢個呢？咁我擺靚啲俾大家睇吓先本身入面嘅餡都係斑斕醬，面頭一嚿牛油，再淋少少斑斕醬，好明顯係即整嘅，因為牛油嚟到嘅時候已經係半溶，佢冇額外比糖漿，如果你有需要可以問職員姐姐攞係有少少偏甜嘅，但係我呢個愛甜嘅人絕對接受得到，味道係可以嘅，我又覺得未去到好和諧，所以唔使特別叫佢杯泰茶都係標準，當然冇「紅色手指公」嗰間咁正宗啦，但係絕對頂吓癮係冇問題另外有杯佢哋嘅招牌凍咖啡，我就真係飲唔落啦，唯有拎返屋企再飲，個咖啡都係偏酸，但係好飲嘅。