The Tiffany Blue Box Cafe

Open Now

Now Closed

朋友生日，決定去一個可以影相嘅地方慶祝，所以就去咗Tiffany blue box cafe。成間餐廳主調就係白色同埋Tiffany Blue，影相一流。我哋係夜晚去嘅所以就點左主食，分別點左黑松露醬烤雞三文治、素肉醬意粉、海鮮墨汁意大利飯。素肉醬意粉真心有驚喜！本身我個人麻麻哋鍾意食素，呢個意粉我竟然覺得有肉味，味道真心好好，我覺得仲好食過正常肉醬意粉！ 海鮮墨汁意大利飯都唔錯，正常質素。比較失望嘅係黑松露醬烤雞三文治，我覺得冇乜黑松露味，旁邊嘅薯條亦都冇乜鹹味，比較失望。到咗重頭戲：The blue box cake ($588)。呢個蛋糕係要預訂嘅，既然係慶祝生日點可以冇蛋糕！店員拎出嚟嘅時候好驚喜，因為真係整得好精緻，好似一個禮物咁！咁我哋當然對住呢個蛋糕影咗好多相啦，唔好以為呢個蛋糕得外表好睇，佢估唔到咁好味！平時食嗰啲裝飾蛋糕通常都係得個樣，入面唔好食嘅，但係呢個完全冇呢個問題，佢瞓咗幾層分別有moose、海棉蛋糕、朱古力脆脆，口感好好，同埋唔容易漏，味道一流！雖然貴咗啲，但係都值得。