Coffeelin (高街) (Closed)

同阿媽去完買海味之後，深度遊下西營盤，去食個小小嘅下午茶，咖啡加三文治，最啱我個港女阿媽去打卡。我就揀咗火腿佐雞肝醬三文治，嚟到嘅時候火腿係爆滿，揸上香濃嘅雞肝醬令到成個三文治錦上添花，加埋個brie cheese 令到成個口感同層次都好豐富。而媽咪就揀咗風乾火腿配黑松露油加軟芝士，呢個都好驚喜，風乾火腿配埋火箭菜已經好夾，仲有一舊厚切嘅芝士，另外亦都見到職員炮製嘅過程，連個包嘅表面都係香脆嘅。三文治可以加$25有野飲當一個Combo咁嗌，我同媽咪就一人嗌咗一杯凍同熱嘅Mocha，咖啡豆係甘香嗰隻，亦都唔會好甜，咖啡既拉花花，打嘅奶亦都相當之有水準。下次唔係特登經過，都要專登過嚟食。