CherCher (Closed)

難得約咗個港女朋友，梗係要搵一間打卡靚嘅餐廳啦。今次我同佢嚟到大角咀呢一間Chercher Café 👍🏻打卡真係一流呀，有少少歐洲風格，仲有一個大千秋喺門口度，影相真係好唔錯㗎。同個女仔朋友嚟食我哋都唔係食到好多嘢，我地share左一個白酒巴馬臣芝士大蝦扁意粉，叫咗一杯海鹽玫瑰鮮奶咖啡，同埋一杯伯爵茶。食物方面來講，我哋叫嘅白酒巴馬臣芝士大蝦扁意粉真係必要佳選，佢個白酒味淡淡地，大蝦好大隻， 扁意粉吸收晒蝦嘅精華，同埋有濃濃嘅芝士味，真係令人回味無窮。嘢飲方面，我飲嘅果一杯海鹽玫瑰鮮奶咖啡，味道都好唔錯。咖啡味唔算太香濃，玫瑰花味比較重，但係飲唔到海鹽味，但味道就啱啱好，可能本人唔鍾意飲太甜嘅嘢。伯爵茶佢用一個茶壺上 ，你可以叫佢幫你加熱水，真係幾抵飲㗎。