Video
Read full review
2023-05-06
352 views
港島隱世鐵板任食燒肉放題平時講起食燒肉，可能大家淨係會諗到幾間好出名嘅連鎖店，經朋友介紹下今次嚟咗一間位於銅鑼灣樓上鋪嘅一間任食燒肉放題！ 環境清幽，間隔整理，而且唔會好大煙味！而且款式非常多同好衛生！ 晚市任食燒肉套餐（升級版）$288一位牛既款式非常之多, 例如有牛小排, 安格斯牛頸脊, 一口牛粒, 牛胸腹, 牛舌等等, 都係比較上等既牛肉, 特別推介三角牛小排串, 油脂分佈均衡, 而且牛味十足, 只需要落少少鹽就夠. 而且牛舌有兩種, 一種係叫既薄牛舌, 另一種係勁厚既牛舌(係自助區到拎), 厚既牛舌真心勁推介, 啖啖肉好有質感, 完全唔鞋身.而自助區既選擇應有盡有, 目測大約都有30款左右, 而且值得一讚既係佢地既自助區係有玻璃櫃檔住, 要拎既時候先打開, 比我感覺非常注重衛生同乾淨,特別既款有燒台灣腸, 墨魚春卷, 秋葵,而燒菠蘿更係我最愛添，口味佢地都有講究, 例如一款雞翼, 佢地都有差唔多五種口味, 例如土匪, 川椒, 蒜香等! 非常出色!而且佢地都有自助沙律吧, 自助飲品區, 同醬汁區, 同埋蜜糖都可以任拎架!(好少地方有呢樣) 值得一讚美中不足既地方就係佢地個鐵阪爐偏
港島隱世鐵板任食燒肉放題
平時講起食燒肉，可能大家淨係會諗到幾間好出名嘅連鎖店，
經朋友介紹下今次嚟咗一間位於銅鑼灣樓上鋪嘅一間任食燒肉放題！ 環境清幽，間隔整理，而且唔會好大煙味！而且款式非常多同好衛生！
晚市任食燒肉套餐（升級版）$288一位
牛既款式非常之多, 例如有牛小排, 安格斯牛頸脊, 一口牛粒, 牛胸腹, 牛舌等等, 都係比較上等既牛肉, 特別推介三角牛小排串, 油脂分佈均衡, 而且牛味十足, 只需要落少少鹽就夠. 而且牛舌有兩種, 一種係叫既薄牛舌, 另一種係勁厚既牛舌(係自助區到拎), 厚既牛舌真心勁推介, 啖啖肉好有質感, 完全唔鞋身.
而自助區既選擇應有盡有, 目測大約都有30款左右, 而且值得一讚既係佢地既自助區係有玻璃櫃檔住, 要拎既時候先打開, 比我感覺非常注重衛生同乾淨,
特別既款有燒台灣腸, 墨魚春卷, 秋葵,而燒菠蘿更係我最愛添，口味佢地都有講究, 例如一款雞翼, 佢地都有差唔多五種口味, 例如土匪, 川椒, 蒜香等! 非常出色!
而且佢地都有自助沙律吧, 自助飲品區, 同醬汁區, 同埋蜜糖都可以任拎架!(好少地方有呢樣) 值得一讚
美中不足既地方就係佢地個鐵阪爐偏細, 如果兩個人岩岩好, 但係四個人既話, 可能就會有d唔夠位既情況出現!呢個大家要注意一下!
Post
