逸東餃子

Open Now

Now Closed

一直都好鐘意食大埔逸東餃子，今日收工比我搵到佢由大埔山長水遠到港島開分店，收工拿拿臨過黎食餃。呢到既煎餃真係好好食，叫左即叫即煎既韭菜餃子，熱辣辣脆卜卜，每粒到爆汁咁濟🥹一客6粒真係好唔夠喉，但係生緊飛滋唔敢暴食，所以都係乖乖食下湯餃。但係煎餃真係完全停唔到口，開到咁近我，下次黎要試多幾款。湯餃竟有蕃茄薯仔湯黑松露餃子同韭菜餃，湯底除左番茄薯仔味之外，仲有小小魚味，湯餃黎講都做得好夠誠意。我地仲叫左兩款果茶、菜同雞翼，都係健康仔推介。好味，食完零負擔，價錢又平，港島區黎講真係恩物。