炭家 (Closed)

前兩日我哋去咗港島區食晚餐😍，今次就係食我最鍾意食嘅日本菜，餐廳嘅環境唔算好大，但佢嘅裝修風格都非常日系，好舒適嘅感覺❤️-首先我哋叫咗鰻魚重，佢係一個套餐定食嚟嘅，佢係包埋有茶碗蒸同埋鰻魚啫喱，另外仲有個湯🥰，首先食嘅就係鰻魚啫喱😍，好特別啊第一次食，口感都唔錯喎，如果茶碗蒸好滑，而且熱辣辣💯-跟住個鰻魚飯超級驚喜呀❤️，鰻魚大大條非常之肥美，簡直好似返咗日本咁呀，肉質好鮮嫩而且多汁😍 佢係用備長炭燒嘅鰻魚 而且燒得焦香💯-另外我哋叫咗炭燒生蠔套餐，北海道仙鳳趾生蠔😋 大大隻非常肥美，淡淡嘅海水味，好鮮甜😍。另外套餐跟一支清酒，我哋揀咗黑松劍菱清酒，味道甘甜，同生蠔嘅鮮味好夾😊-然後我哋食咗幾款串燒😋，分別有鰻魚肝串、雞胸肉紫蘇卷、豚蘆笋卷同洋蔥🧅，而我最鍾意食嘅就係洋蔥串，洋蔥係來自日本嘅淡路島，佢嘅甜度比較高 燒完之後一啲都唔辣，而且口感好軟身💯💯，另外鰻魚肝串亦都好特別唔知大家知唔知道一條鰻魚只得一個肝，算係一種好矜貴嘅食材嚟㗎😋，味道帶點甘，幾有咬口，都幾特別我都幾鍾意食❤️-鰻魚厚燒玉子，玉子嘅中間夾住鰻魚 玉子口感好滑，加咗鰻魚喺入邊簡直係豐富晒成個口感😋 成個層次昇華晒呀😍，