鮨玥 (Closed)

經朋友介紹嚟到港島東蘇豪區既人氣日本鋪頭。先來兩杯Suntory 日本啤酒。我哋先點了唐揚日本池魚苗， 小池魚炸到金黃色卜卜脆，甘香可口， 用嚟送酒作前菜絕對一流。我們點了頂級縞鰺深海池魚王， 師傅刀工精湛，將魚肉切到非常之薄片， 入口感受到肉質嫩滑之餘亦帶有魚油香，配以柚子豉油來吃。跟住落嚟就係最出名嘅本鮪品種吞拿魚做壽司。 有三個唔同部位包括赤身、中拖羅和大拖羅。赤身沒有太多油脂，入口肉質雖然較實， 脂肪量相對最少，但是魚味出眾。中拖羅嘅脂肪比例亦恰到好處， 魚香和魚油嘅味道非常之豐富， 入口即溶。大拖羅的脂肪精華味道濃沃， 滿滿的魚油和魚香充斥在口入面翻滾， 真係可以話係一種享受。身為一個魚生迷當然唔少得叫海膽壽司， 一上碟已經見到一客鋪滿北海道海膽既軍艦。 海膽鮮味十足入口即溶， 味道濃厚甘甜， 一個字"正"。